من طرف كنت عايزه احكيلكو عن اجمل معجزه عملها معايا حبيبى وشفيعى ابونا عبد المسيح المناهرى انا كنت ساعتها عندى 7 سنين وكنا مسافرين انا وبابا وماما واخويا من الاقصر لاسكندريه بالعربيه المشوار ده تقريبا 14 ساعه فكنا بنبات ليله فى المنيا ونكمل الطريق تانى يوم يومها واحنا على الطريق لقينا كنيسه ابونا عبد المسيح احنا مكناش نعرفه بس دخلنا ناخد بركته معانا فى الطريق وبيتنا ليله فى المنيا وتانى يوم بنكمل الطريق بابا لقا واحد عجوز اوى واقف على الطريق بيشاورله فوقف الراجل العجوز ده قاله يابنى امشى من هنا بسرعه وغير الطريق هنا فى قطاع طرق ولسه قاتلين 5 امبارح فى بيجو فى نفس الطريق ده وانت معاك عار (كلمه عار عند الناس البسيطه يعنى بنات او ستات ) يقصد بيها انا وماما والعار ده بتاعى انا (يعنى وانا وماما فى حمايته الخاصة) وسابنا ومشى بنبص ورانا مليقيناش حد طبعا كان هو حبيبى ابونا عبد المسيح اللى من غيره
مكنش زمانى بكتبلكو دلوقتى وبجد حنبن اوى اوى اوى وعمرى ما بهون عليه بجد حقق كلمته اللى قالها لبابا وفعلا بقيت بنته وبتاعته اللى مبتهونش عليه ابدا بركته تكون معانا دايما
مكنش زمانى بكتبلكو دلوقتى وبجد حنبن اوى اوى اوى وعمرى ما بهون عليه بجد حقق كلمته اللى قالها لبابا وفعلا بقيت بنته وبتاعته اللى مبتهونش عليه ابدا بركته تكون معانا دايما
