موضوع ساخن للنقاش لمن يجرؤ فقط....

هو موضوع سخن حبتين
وهو واجهني انا شخصيا انا وشباب بني مزار واحنا بنقرا الانجيل
اللي هما بطرس ويوسف ومينا شكري وروماني وجون ومينا يعقووب

كنا ليلة امتحان مادة الهندسة الكهربيه يوم 23 -1-2008
كانت اللليله كادت ان تقلب الى خناقه
معايا عشان كانوا بيفهموني ويقنعوني ب
احنا كنا بنقرا الاصحاح السابع لرسالة كورنثوش الاولى
فالليله كانت مليئه بالاعتراضات مني على ايات كتتتتييير ف الاصحاح دا
وحاولوا يقنعوا فيا باي طريقه فلحد دلوقتي انا مش مقتنع

كترت عليكم المقدمه
ندخل ف الموضوع
هو في ايه 7: 1 و اما من جهة الامور التي كتبتم لي عنها فحسن للرجل ان لا يمس امراة

7: 2 و لكن لسبب الزنى ليكن لكل واحد امراته و ليكن لكل واحدة رجلها

اللي فهمتوا من الايتين دوووول ان هو ان الزواج اتعمل عشان يتمنع خطية الزنا
اي الزوااااج من اجل ارضاء الشهواااااات الجنسيه والجسديه يعني لن يختلف دينا عن اي دين اخر ولا ايه؟؟؟
ياتجماعه انا مسيحي متخفوش انا مكفرتش ولا حاجه بس لازم اللي مش فاهم حاجه يسال فيها
ولا اضيع يعني؟؟؟؟

ومن نفس الاصحاح اثبات ايضا
: 28 لكنك و ان تزوجت لم تخطئ و ان تزوجت العذراء لم تخطئ و لكن مثل هؤلاء يكون لهم ضيق في الجسد و اما انا فاني اشفق عليكم
مش عارف انا كلامي صح ولا غلط
ارجو النقاش لمن يجرؤ
وتابعونا مع اسئله اخرى حووول تلك المواضيع
فهناك الكتير والكتير قبلنا ف الليله دي
بس نحب نناقش نقطه نقطه
يلا ورونا شطارتكم

بشكر طبعا الاخت هايدي على التوضيح الجميل دا والتفسير دا
وبشكر باسم على فتحه اكتر وتوسيعه للموضوع بشكل حلو
واكيد الاختلاف في الراي لايفسد للود قضيه
لكن ياهايدي يزي ماباسم قال الانجيل مكتوب لكل الناس ولكل زمان
بس اليل مفهوم من الايه وواضح وصريح ومش عارفين نوصله
بتفسيرك للايات
ان الزواج من اجل المتعه الجسديه واشباع الرغباتالجنسيه ودا الواضح من الكلام لانه بيقول اللي خايف يزني فل يتزوج طب هيتجوز ليه؟؟؟عشان ارضاء الرغبات الجنسيه
يعين دينا لن يخختلف مع باقي الاديان من تلك النقطه
ولا ايه؟؟؟؟؟؟؟؟؟؟؟؟؟؟؟؟؟؟؟؟
يبقى مفيش عشان نعمل اسره ونكون عيله والكلام بتاع مدارس الاحد وكلام الافلام العربي دااااااااا

الموضوع دة شائك شويه
وياريت لما نتكلم فيه يكون كلام اقوال اباء وماينفعش فى القرايه نقرا ايه واحدة ونسيب الباقى الانجيل كله وحدة واحدة
وانا باذن الله هانزل لكم تفسير ابونا تادرس يعقوب والاباء فى الموضوع دة
وانتظروا الرد قريبااااااااا باذن الله

الأول احب اشكر هايدي جدا علي الرد الجميل ده عشان اقترن بأيات من الكتاب المقدس
وهو ده تقريبا تفسير ابونا انطونيوس فكري
وده رد ابونا تادرس يعقوب علي نفس الأية
ولكن لسبب الزنى ليكن لكل واحد امرأته،

وليكن لكل واحدة رجلها" [2].

بجانب حياة الشركة والتعاون الأسري، فإن أحد أهداف الزواج هو حماية الغرائز الجنسية من الانحراف، فعلى الزوجين مسئولية اهتمام كل منهما بالآخر. تقدم لنا الحكمة الإلهية الزواج كعلاجٍ عملي ضد الزنا بكل أنواع الشهوات غير اللائقة. لكي يتجنب الإنسان السقوط في الزنا فيكون للرجل زوجته، وللزوجة رجلها.

v لا يظن أحد أنني أُقلل من قيمة الزواج كسُنّةٍ ونظام. نحن لا نجهل أن الزواج ليس غريبًا عن بركة اللََّه.
لاحظ يابديع بيقول بجانب حياة الشركة والتعاون الأسري
يعني مقالش ان الغرض هو الجنس ولو الغرض من الزواج عندنا هو الجنس كان الكتاب سمحلنا بزوجة واتنين وتلاته
هذا والله اعلم

انا بحترم ديعا جدا على وضع هذا الموضوع للنقاش وفى نفس الوقت بلوم علية
اذاى اولا الموضوع جميل وشيق ويستاهل النقاش واستبدال الراى
لحد كدة انا بشكر ديعا ولكن فى الطرف الثانى انا بلوم علية
طب لية ؟.
اسف جدا مش صح ان احنا واحنا مهما وصلنا من علم ان نرد على حااجة من الانجيل الا اذا كان كلامنا

كلة موثوق فية مية فى المية بمعنى ان الموضوع من الافضل ان يتناقش مع الاباء الكهنة ومش اب كاهن واحد لا لازم نوصل للاجابة الصحيحة فمن الواجب علينا ان نستعين براى الاب الكاهن الذى لدى كل واحد فينا لو سمحتم مش عايزين نطرح سوال ونجعل الرد علية عبارة عن اسئلة اخرى دة غير الاختلاف فى الراى لا لا احنا بنكلم عن لانجيل لازم المصدر يكون موثوق


اكيد هنوةصل الى حل
واسف النقاش مع الاب الكاهن بقى صعب هو دة الحقيقى لكن الى يقدر يبقى ربنا يعوضة
اعتقد مش هيعجبكم راى
................
"

"أيها النساء، اخضعن لرجالكن كما للرب، لأن الرجل هو رأس المرأة كما أن المسيح أيضاً رأس الكنيسة، وهو مخلص الجسد" (أفسس 22:5-23) "أيها الرجال، أحبوا نساءكم كما أحب المسيح أيضاً الكنيسة وأسلم نفسه لأجلها " (أفسس 25:5).
انا جبت الاية دى علشان اثبت ان كلام هايدى صح اولا الجواز فى المسيحيه هو قمة الرقى وزى ماباين فى الاية دى كما ان المسيح احب الكنيسه بمعنى ان فى ارتقاء فى المعنى جامد ان الجواز مبارك من الله وانه مبنى على حب المسيح زى مابيحب الكنيسه, يعنى فى قدسيه للجواز لانه شبهه بالله والكنيسه اللى مفيش اعظم منهم واساسه هو المسيح زى ماواضح فى الاية وماظنش ان وجود الله هيكون فى الجو الغريب اللى انت بتعتقده
وبعدين الحرف يقتل, احنا مش نبص على اية واحده ونقول ده هو ده قصد الكتاب لان احنا بس ينقصنا دراسه فى تاريخ الكتاب ( تااااااريخ الكتاب) علشان نفهم ايه مناسبه الاية وبعدين بقه لو احنا هانترجم حرفى يبقى انا ممكن اقولك ان يسوع مش اله سلام ده جاى ينشر الحرب لانه قال ماجئت لالقى سلام بل سيف لكن فى ايات تانيه بتقول الله ليس اله تشويش بل اله سلام الموضوع بس عايز دراسه وقراية لتفاسير الاباء الفاهمه

بجد بشكر جميع من ناقش المضووع دا
بحب شاكر هاييد وباسم وميلاد وفادي ومينا والاخت كانز
وبجد انا اتبسط اوي لما لقيت متابعه للموضوع وردود
وشكرا ليكم جميعا واكيد كاد بقى مضووع ممكن يا حد يستفيد منه ويرجعله في اي وقت

thnx ya badi3 3la shan enta etkalamt fe el mawdo3 dah
howa mawdo3 fe3lan mo7yer bs momken tenzl el video dah w tefhm
elly beyt2al feh w dah mesh kalam ay 7ad nazlo w shof
ok w eba 2ol raya2k
Press Here

انا اتمنى يابديع بعد المناقشة النار دى انك تكون فتحت الانجيل تانى
مش مجرد انك تفتحه ليلة الامتحان وبس