من طرف بسم الاب والابن والروح
القدس الاله الواحد
امــــــــين
شباب
لتكن مشيئتك.....!؟
دايما بنقولها فى ابانا الذى
الكتاب بيقول
لان تالمكم ان شاءت مشيئة الله
وانتم صانعون خيرا افضل منه وانتم صانعون شرا
عجيب ونحن فى الالم نطلب مشيئة الله
ونطاوع مشيئة الله
وبعضنا يحتار جدا من مشيئة الله
ونقول ليه يا رب؟؟؟؟
ايه حكمتك؟؟؟
هو احنا عملنا ايه؟؟؟؟
طيب ده انا حتى ماشى معاك ليه اتهان كده؟؟؟
قصة
عجيبة سمعتها من احد الاباء
عم جعفر
عم مسعد سائق على سيارة بيجو 7 راكب
كل يوم من القاهرة الى اسيوط.... والعودة
وفى يوم ومسعد سائق السيارة
وعند بلد اسمها مغاغة فى المنيا
فجأة
وقف
فرمل
الركاب اتخضوا
الركاب: ايه فى ايه؟؟؟
ايه اللى حصل؟؟؟؟
فى حدثة؟؟؟
هو خبط حد ؟؟؟؟
الاغرب
ان الناس لقوا عم مسعد السائق بيقلع هدومه
ونط فى الترعة وغاب 5 دقائق
الناس كلها متغربة هو السائق ده مجنون
فى ايه فى الترعة
والناس كلها ملمومة
والدنيا وقفت
فجأة
لقوا ان عم مسعد طالع بواحد من الترعة كان بيغرق اسمه غريب
اهل البلد كلهم اتجمعوا
الستات: الواد غريب كان بيغرق و سواق البيجو انقذه
والخبر ملئ البلد فى ثوانى
ابو غريب عم جعفر
جرى على طول يطمن على ابنه غريب
لقاه على الترعة وعم مسعد شيله
عم جعفر : لازما وحاتما ولابد انكم تقعدوا تاكلوا النهارة معانا
عم مسعد : معليش يا حبيبى احنا صعب نقعد لانى لازم اكمل على اسيوط وارجع مصر قبل الليل ما يدخل علينا
وصمم
عم جعفر ودماغه حجر
ان الناس تاكل معاه
وفعلا
عم مسعد والركاب نزلوا واكلوا فى بيت عم جعفر
واخد عم مسعد الناس وكمل على اسيوط
وهو راجع بالليل
وفى نفس الطريق
فجاة
مش ممكن
مستحيل
حكمتك يارب
ايه ده
عم مسعد خبط واحد طلع فجاة على الطريق
ايه ده
الناس كلها اتلمت
يالا الهول
مش ممكن
الواد اللى اتخبط
طلع
طلع
الواد غريب
البلد كلها طلعت
الكل مش مصدق
كل الناس جريوا
اهل البلد : الواد غريب الراجل بتاع البيجو انقذ من الموت فى الترعة الصبح
يقوم يموته بالليل بالعربية!!!!!!!!!؟
جيه عم جعفر والناس مذهولة
وعم مسعد مرعوب
وقف عم جعفر قدام عم مسعد
والكل مستنى ايه اللى هيحصل
عم مسعد : صدقنى ان مستغرب اكتر منك ...صدقنى ما كانش قصدى.... هو اللى طلع فجاة قدام العربية
عم جعفر : امشى يا عم وماحدش هيمسك
انا ابنى كده كده كان ميت
عجبا
شباب ايه رايكم
مين يقول ايه حكمت ربنا تبارك اسمه
فى القصة ديه
