ياللا بسرعه يا شباب قولوا رايكم فى الحوار اللى حصل ده بسرعه؟

الموضوع عموما بيتكلم عن حكم الاعدام فما رايك فى حكم الاعدام فى المحكمه؟
الحوار :

* ايه رايك فى حكم الاعدام؟
- حكم الاعدام........ اه حكم الاعدام بتاع الحكومه ده ولا ايه بالظبط

*لا عموما ايه رايك فيه انت معاه ولا ضده
- مش عارف مفكرتش فى الموضوع ده قبل كده بس تقريبا معاه

* ليه...؟
- انا معاه بس لما يطبق على واحد يستحقه
زى مثلا واحد قتل وبمزاجه فمقولش مثلا ربنا هو اللى يعاقبه

* لا هو ميتعفيش من العقوبه
- ده حتى حكم الاعدام اتوقع على المسيح من خلال الحكومه

*على الرغم انه ميستحقهوش
- اه يعنى هو موجود من الاف السنين وربنا راضى بيه بس لما يكون عادل طبعا

* القانون موجود من زمان ومن العهد القديم لكن احنا دلوقت فى عهد النعمه !
فهل يمكن انه يلغى ولا لا ؟
- لا طبعا، بس المهم انه يتحقق بعدل
طيب انت بقى ايه رايك ؟

* انا شايف انه من الناحيه الدينيه نديله فرصه يمكن يتوب
- فرصه للتوبه

* بدل ما نحكم عليه بالهلاك كده على طول دنيا واخره
- طيب لو سيبنا كل واحد ليه فرصه هيكون ايه النظام ايه رايك؟

* طبعا العدد كبير بس نستفيد منهم
- يبقى مفيش سيطره على حد
يعنى انت قصدك ان المفروض ان الحكومه تعطى لكل واحد فرصه واذا فوت
الفرصه يتعدم

* ممكن..... تصدق فكره
- لا مش فكره
والضحايا اللى هتموت نقول عليهم قضاء وقدر

* اللى ماتوا خلاص عادى
- عادى ازاى طيب واللى هيموتوا

* مش عارف حاجه تحير !!!!!!

هو الموضوع عباره عن حوار بين اتنين واحب اعرف رايكم
هل انت مع اى راى فى الرايين وليه ؟
ياللا ياجماعا بجد محتاجين رايكم فى الموضوع ده !!!!!!!!
وياريت الكل يقول رايه

الله ينور عليك يا بلبل
حوار جامد
بس انا مش مع حكم الاعدام لان الرب يقبل توبه اي انسان حتي ولو بعد ايه
وعندنا امثال كتير وش اي مثل زي مثلا الانبا موسي الاسود مهو كان قاتل ولكن تاب وبقي قديس
انا مع ان يكون السجن الابدي (مدي الحياه ) بدل الاعدام لان السجن بيكون اصلاح
وبرده يدي الفرصه للمزنب ان يتوب والله يقبل التويه في اي وقت مش نقضي علي حياته نهائيا

بس قولي ياه انت جبت الروحانيه دي منين
ههههههههههههههههههههههههههههههههه

اية الحوار دة يابولا
اعدام!
بس انا من راى ان الاعدام دةحاجة اساسيةلان لو من غيرة
كان زمان اساسا كل الناس دلوقتى مقتولة بس بشرط انة يطبق بالعدل بس انا
ماظنش كدة لان ما فيش حاجة دلوقتى اسمها عدلبس على فكرة ان الاعدام مابيصدرش
غير للقاتل بل بيكون مفروض برضوا على تجار المخدرات
وربنا يديك على اقد تعبك يابولا

بصراحه يا اخ بولا
الموضع فعلا جميل اوى بجد
ربنا يعوض تعبك
وانا مش عارف اقولك ايه بصراحه
مش عارف اقول الاعدام صح بس يبقى احنا مسحناش بالتوبه
وفى نفس الوقت مقدرش اقولك التوبه صح
وايه فعلا ذنب الناس اللى ماتت
بس حرد عليك واقولك
عندنا احنا نسيب ربنا اللى يحاسب
لان كل حاجه نصيب وربنا هو اللى مرتب
فانا مش موافق مع الاعدام
شكرا بولا على الموضع الجميل ده

besr7a howa mawdo3 sa3ab y3ni shewya en fe nass te2rar en hya
ta5od ro7 rabana edha
howa mawdo3 el segn mada el 7ayah dah momken yekon a7san beketer awiiii
howa ah fe3lan tab3an beyab fe magal lee el toba w rabana mesh beyrfod tobet 7ad 5alas mahma kan law tab mn albo
fa lama wa7d yetsegn mada el 7ayah momken ye2der yetob w yeba odamo forsa y3ni
thnx ya pola 3la el mawdo3 deh bgd
enta bet3ml 7agat faze3 awiiiiiiii

متشكر اوى ياجماعا على الردود دى والافكار دى
بس ياريت نشوف اراء كمان وكمان علشان عندى مفاجئه
فى الموضوع ده وياريت الكل يشارك برايه علشان الموضوع محير فعلا
على راى ناس قالت كده وانا بصراحه نفسى اوصل لحل فى الموضوع ده
وشكرا ياريمو ويامورا ويامرمر وياميكا على اراءكم الجميله ولو فى جديد
ياريت تقولوه علشان نعرف المفاجئه الكبرى

بص يا غالى
انا من رايى ان لو كل واحد قتل وماخدش اعدام
هنصحى من النوم مش هنلاقى بعض

الانسان لازم من عقاب ياخده عن جريمته

بس لو من الناحيه الدينيه

المفروض الانسان يخلى باله

ويعرف قبل مايعمل جريمته

ان العقاب مستنيه

شكرا على ردك ياحضره الظابط واكيد رايك ده هيكون ليه اساس
انت رجل جيش برده ولازم تقول كده ولو مقولتش كده نبلغ عنك
ههههههههههههههه شكرا على رايك

ههههههههههههههههههههه
حلوه يا بولا
انا عن نفسى حبلغ عنه

هههههههههههه

شكرا على اجابتك الجميله يا ابونا شنوده
وبجد رايك ده جميل اوى وبالذات انه بالايات والتوضيح
وكمان جميل اوى وكمان كتاب البابا شنوده ده اكيد كله هيشوفه
علشان الموضوع كان محير وشكرا على كلامك
وشكرا على اجابتك يامريم كريم بس هقولك ملحوظه ان فى حكم الاعدام
لما يتحكم على شخص مش بيطلع من المحكمه يتعدم لكن بيقعد مده كافيه اوى
فى السجن واكيد دى فرصه اكيده للتوبه بس التوبه الحقيقيه وممكن كمان يعترف
ويتناول والكاهن يجيله

موضوع جامد فعلا
مرسى يابولا ويارب دماغك تشتغل كدة علطول وتجبلنا موضوعات تحفة كدة
المهم بقى انا راى انة ماينفعش يتلغى حكم اعدام دة
لانة اذا كان بيعاقب واحد فهو بيعلم عشرات ولو على التوبة دى لو فى نيتة الواحد هيتوب لو فى لحظة بس حكم الاعام دة مابتحكمش غير فعلا على افعال تستحق زى القتل مثلا
يبقى صعب انة يتلغى فعلا لانة لو كل واحد لية فرصة قتل فعلا
تخيلوا قد اية هايموت من غير سبب
مرسى يابولا على الموضوع فعلا وسورى انا شوفتة متاخر وربنا يعوضك

بصراحة يابولا موضوع جميل ورائع ومثير للجدل لكن الكتاب المقدس لم يمانع او يقف قدام حكم الاعدام وفعلا الكنيسة موافقه على حكم الاعدام وزى ماقال ابونا شنوده بالضبط وانا موافقه جدا فى رايه
لكن كانت الفكرة ان العقوبة الارضيه للخطية بتبقى من ربنا وانه لازم ندى فرصه للانسان ده علشان يتوب لكن بولا الحقيقة قال حاجة كوبسه انا ماخدتش بالى منها غير دلوقتى هى ان الحكم ده بياخد وقت لما يتنفذ ممكن يفضل سنه او اكثر واعتقد انه فعلا وقت كافى للانسان ده لو هو عاوز يتوب
واعتقد كلنا عارفين قصة مجدى يسى وقصة توبنه
وانا متشكر خالص يابولا وبصراحة اسلوب عرض الموضوع كان اجمل ما فى الموضوع

ان بجد مش عارف اشكركم ازاى على الردود واحد واحد فيكم
بجد انا مبسوط اوى من الردود دى كلها وبشكركم على رايكم الجميل على الموضوع
وبجد انا اول واحد استفاد من الاراء دى واكيد الموضوع كان محير لناس كتير و طبعا
واضح من الردود كلها ان الاراء معظمها بتوافق على حكم العدام واراء تانيه برده منتشره
بتقول ان ممكن يكون فى حاجه اسمها سجن مدى الحياه وطبعا من كلام ابونا شنوده واللى عجبنى اوى ومعظم الكلام انا كنت ناوى اقوله و طبعا راى اكرم والقصه اللى قالها دى وانا حسيت ان كده كله عرفها بتاعه مجدى يسى اللى ليها كتاب واتعملت مسرحيه و اخيرا طبعا نقول ان الكنيسه القبطيه توافق على حكم العدام وطبعا مش حرام وده كلام البابا اللى موجود فى الكتاب اللى قال عليه الاخ ابونا شنوده وهو كتاب سنوات مع اسئله الناس الجزء التانى الطبعه التالته
واخيرا بشكركم كل من شارك فى الموضوع واللى عايز يتناقش فى حاجه فى الموضوع ده يقول واحنا نتناقش فيه باااااااااااااى

بس يا بولا كان في مفاجأة انت مقولتهاش ياريت تقولها جايز تكون جديدة[b]

اه بجد حصل ان انا قلت ان فى مفاجئه وهى...........
ان الموضوع ده مش انا اللى عمله لوحدى والحوار اللى
انا كاتبه حصل فعلا بينى وبين واحد حبيبنا كلنا فى الاسره
بالظبط ومفيش كلام ناقص او زايد اكرم مفيد طبعا الكل
عارفه وصدقونى كان احلى حوار اتكلمت فيه وانا عن نفسى
كنت متحير وبفضل الاراء الجميله دى قدرت اعرف ايه الاجابه
وبشكرك فعلا على اسم الكتاب اللى موجود فيه الموضوع والاجابه
بتاعه قداسه البابا وبجد متشكر اوى علشان خلتنى اعرف الرد بتاع
البابا وانا بصراحه مستهتر اوى علشان لقيت عندى سبع اجزاء عن
سنوات مع اسئله الناسومفتحتوش قبل كده وبصراحه سلسله روعه
وفيها كل الاسئله اللى ممكن اى حد يتحير فيها وحاجه اخيره بقى
وانا عارف انى طولت عليكم اوى اوى بس علشان كله يتاكد من الاجابه
انا هقول رد قداسه البابا بالظبط
< حقا ان حياه الانسان وموته فى يد الله ولكن هو نفسه الذى امر بحكم العدام بالنسبه الى القاتل
فقال فى سفر التكوين " سافك دم الانسان بالانسان يسفك دمه " (تك 9:6 )
اذن اعدام القاتل ليس ضد اراده الله بل ان الله هو الذى امر بسفك دم الانسان الذى سفك دم انسان اخر اذ قال ايضا فى هذا المجال " من يد الانسان أطلب نفس انسان من يد انسان اخيه "( تك 9 :5) فالله اذن امر بسفك دم القاتل ويكون ذلك بيد انسان اى اعطاه السلطان على ذلك
الله هو الذى فرض عقوبه اعدام القاتل وقال :"لا تشفق عينك نفس بنفس"(تث19: 21)
على ان يكون ذلك حكما قضائيا وعلل هذا باسباب هامه منها " افعلوا به كما نوى ان يفعل باخيه فتنزعون الشر من وسطكم ويسمع الباقون فيخافون ولا يعودون يفعلون مثل هذا الامر"(تث19: 19 ,20)
لا ننسى ان الله عاقب اول قاتل على الارض قايين الذى قتل هابيل اخاه وقال له "صوت صارخ الى من الارض فالان ملعون انت من الارض التى فتحت فاها لتقبل دم اخيك من يدك"(تك 4: 10,11)
وقد فوض الله حاكم البلد ليحكم باعدام القاتل فقال"افتريد ان لا تخاف السلطان افعل الاصلاح ولكن ان فعلت الشر فخف لانه لا يحمل السيف عبثا اذ هو خادم الله منتقم للغضب "(رو13: 3,4) اذن المسيحيه توافق على حكم الاعدام بالنسبه الى القاتل
نلاحظ ان سليمان الملك امر قائده بناياهو بقتل يؤاب على الرغم من التجاء يؤاب الى قرون المذبح وقال لبياناهو " ابطش به وادفنه وازل عنى وعن بيت ابى ادمالزكى الذى سفكه يؤاب فيرد الرب دمه على رأسه لانه بطش برجلين برئين " ( 1مل 2: 31 ,32 )

انا عارف انى ساقع اوى وطولت عليكم اوى معلش انا حبيت اعرفكم الاجابه بتاعه قداسه البابا شنوده بالظبط اسف مره تانيه على التطويل وبجد انا اول واحد استفدت وشكرا لكم
اه استنونى فى موضوع حلو قريب ان شاء الله ونحب يكون زى ده او احسن باااااااااى

eh ya pola el 7agat el faze3a deh
dah enta mesh sayeb magal 3la shan
7ad dlwaty ye2olo 7aga ba3d rab 2adast el baba
w elly kaman mawgod be borhan mn el ketab el mo2adas
bgd merci awiiiiiiiii ya pola 3la el mawdo3
ana 3'yart ra2i 3an elly kont katbo bs dah ba3d ma 3erft
el rad bet3 2adast el baba

هو فعلا المفروض يبقا فى فرصة بس الفرصة دى ربنا بيديها للى يستحقها لكن احنا مينفعش ندى لحد الفرصة دى وبذات فى الموضوع ده والا هتبقى لوبية والكوسة هتزيد وعلى اساس ايه ان اى حد ياخد الفرصة دى مهو ممكن يكون يستحقها وممكن لأ ويتمادى فى عمايله ونبقا ازينا ناس تانيين ملهمش ذنب انا معاه يا ريس