انت الخسرااااااااااان لو مدخلتش بسرعة جدا

    شاطر
    avatar
    mina nabil
    عضو ممتاز
    عضو ممتاز

    ذكر
    عدد الرسائل : 419
    العمر : 29
    Emploi : student
    تاريخ التسجيل : 16/05/2007

    انت الخسرااااااااااان لو مدخلتش بسرعة جدا

    مُساهمة من طرف mina nabil في الإثنين فبراير 04, 2008 11:00 pm

    شعر جميل اوووووى )
    المحاكمة والصلب


    (1)
    اليوم دا يوم
    مش أى يوم
    يوم فى التاريخ
    مليان ظلم وتجريح
    هـ تبدأ فيه محاكمة
    والشاطر يعطى لكمة
    حبيبى واقف جريح
    م الجلد خلوه طريح
    ***
    المحاكمة قال فيها عدل
    والقاضى ... جبان وندل
    هاتولى شكاية
    لو حتى رواية
    راح اقول دى خيانة
    لحياته نهاية
    ***
    وادى حلم يقول
    حاسب م الجور
    دا عدل ونور
    للحكم اصول
    ***

    (2)
    وقيافا رئيس
    والحركة دسيس
    بيمزق ثوبه
    ماكر ... دا اسلوبه
    ***
    وبيلاطس البنطى
    وكلامه مغطى
    انا اصلى سلطة
    خايف م الورطة
    خدوه وحاكموه
    جلد ... وعاقبوه
    لو اقول دا براءة
    دى عايزة جراءة
    انا باغسل ايدى
    حاكمه انت ... يا سيدى
    ***
    اطلق باراباس
    ودا عدل يا ناس
    قصبه ورداء
    بصقة ما هو داء !!!
    الثوب نزعوه
    ملك ... ودعوه
    خلاص نسيتوه !!!
    تسمع ... حاكموه
    ***

    (3)
    خدوه يا جنود من هنا بقيود
    يحاكمه الوالى ...
    انا عندى حدود
    ويسير الفادى ...
    فـ طريقه القاسي
    الكل سعيد ...
    ولا حد يواسي
    ماتت رحمة فى قلب جنود
    تسمع فـ الزحمة
    اصلبه على عود
    ووجوه دهبانة وعليها الفرحة
    على ايه القسوة !!!
    نسيتو الرحمة ؟؟
    ***
    صوت السوط فـ الهواء بيرن
    بعدها صرخة مكتومة بتئن
    وفـ قلب الزحمة
    فى قلب حزين
    قلب أمى العذراء
    مجروح ... وأنين
    ***

    (4)
    وأدى لطمة سريعة
    من يد وضيعة
    من أيد خدام
    خلوه ... قدام
    يسأل ... أيه ذنبى
    يضحك ... ويخبى
    فرصة ويغمى
    ويقول مين جنبي
    ***
    السوط بـ حديد
    والضرب شديد
    يضرب وبلذه
    وكأنه اتغذى
    الجلد حرام ...
    سامعين يا كرام
    سجل يا زمان
    مالهومش آذان
    ***

    (5)
    ليه تبكى عليه
    ابكى يا بنيه
    على يوم حا تشوفى
    وتقولى ... يا كفوفى
    على خدى ورنى
    فـ ضنايا ... حرمنى
    يا جبال اتهدى
    فى آكام إتخبى
    الأيام دى حزينة
    واللوعة دفينة
    ليه تبكى عليه !!!
    دموعك مش ليه
    سجل يا زمان
    دا تاريخ حايبان
    ***
    (6)
    فارس يا أصيل
    فـ النيل دليل
    بتسوقه قدامك
    هودا خدامك
    دا سيد الأرض
    وستر العرض
    كان قادر ينهى
    وبكلمة يفنى
    سجل يا زمان
    أدى الفرسان
    ***
    حبيبى أهو شايل
    صليبه ... ومايل
    والسوط دا عليه
    داير ... طب ليه
    خبطه ع الأرض
    والجسم إترض
    سجل يا زمان
    عذاب إنسان
    ***
    وادى ضربة كمان
    على صدر حبيبي
    والدمعة فـ عينى
    مش دا كان معكم
    بالحب جمعكم
    بارك وغدا
    دلوقتى ... الهدا !!!
    ***

    (7)
    كام واحد شفى
    ويقول ... أنا عفى
    أدى عميان
    شايفين ببيان
    فـ شيطانه صريع
    بالأمر ... سريع
    ونزيف بيدوم
    شكراً وتدوم
    وأموات بتقوم
    وأصوات بتزوم
    وأدى ايد يبسانة
    ***
    قالوا ... شفاه وأذانا
    أرملة قايين
    والحزن دفين
    فـ لحظة يقوم
    وأدى ناس فـ وجوم
    وأدى قائد مائة
    حاكم كام فئة
    عن بعد الشفا
    ومعاه كان صفا
    ***
    المرأة فـ عار
    ومشاعر ... نار
    امسك فـ حجارة
    هارجم ... دى شطارة !!
    كله محسوب
    شايف ... مكتوب
    وفـ لحظة فرار
    ونسيتوا العار
    أذهبى يا بنية
    صونى دى فرية
    ***

    (

    موسي وإيليا
    والطلعة بهية
    بطرس ويوحنا
    ايه غير حالنا !!
    ع الجبل اجتمع
    كام جبل واستمع
    ***
    بطرس فىمساء
    مشى ع الماء
    الألاف جوعانة
    وقفف ملآنة
    أوصنا يا ابن داود
    وزعف النخيل ممدود
    أهو ملك راكب اتان
    دا حبيبي أهو الحنان
    ***

    شفاء بلا حد
    فريسي ... يحتد
    بستان ودعاء
    ودموع كـ ... دماء
    سجل يا زمان
    أدى الحنان
    ***

    (9)
    بطرس الغالى
    صوته دايما عالى
    صخرة إيمان
    فيه وعد زمان
    وجنب النار
    على بعد أمتار
    بطرس يتدفى
    ووعوده تتصفى
    جارية بتحاور
    صخرة وبتناور
    الكدب صريح
    وكلام تجريح
    الديك بيصيح
    والقلب جريح
    ***
    سجل يا زمان
    أدى وعد انسان
    ***
    (10)
    واحد غلبان
    اسمه سمعان
    ماشي فـ طريقه
    قالوا دوا صديقه
    شيل عنه صليبه
    ***
    بركة ودا نصيبه
    خلونى معاه
    صحبه وياه
    شدتنى عنيه
    والبكا حواليه
    ***
    سجل يا زمان
    حب الأنسان
    ***
    فيه صوت مسمار
    وانين جبار
    دق المسمار
    مزق وغار
    والدم يسيل
    أنا قلبي عليل
    ***
    يافطة مكتوبة
    كلمات محسوبة
    كلمات سخرية
    ملك اليهودية
    ارفعها لفوق
    لا دين ولا ذوق
    تاج شوك دا هدية
    من يد غبية
    ***
    سجل يا زمان
    أدى الأنسان
    ***

    (11)

    ما هو دوا حبيبي
    شال عنى نصيبي
    أدى اللى فدانا
    وبحبه سبانا
    صلب وتعذيب
    وكلام تأنيب
    وجحود فـ نفوس
    وكلام معكوس
    أكتب بدموعى
    مدادى يا شموعى
    ***

    سجل يا زمان
    لحظة أحزان
    ***

    (12)
    وحبيبي عطشان
    فاكرين الأجران
    ستة فـ البيت
    للمية ... ياريت
    الخمر خلاص
    ساعدونا بـ .. أخلاص
    أمه وبكلمة
    الطاعة بهمة
    الفرحة تعود
    دا الخير موجود
    العرس فـ قانا
    بارك وسقانا
    ***
    وحبيبي عطشان
    هربوا الخلان
    وادى جندى جبان
    بيزيد احزان
    يسقيه على عود
    خل ... ودا الجود !!
    وحبيبى عطشان
    فاكرين الاجران
    ***

    سجل يا زمان
    عطش انسان
    ***

    (13)
    يوسيفوس أهو أرخ
    والحكم مؤرخ
    قال كان انسان
    لا كان عنوان
    رحمة على الأرض
    بالطول والعرض
    ***
    سجل يا زمان
    حكم بـ بيان
    ***

    (14)
    صرخة جبارة
    وجنود محتارة
    استودع روحى
    من بعد جروحى
    اغفر ابتاه
    ظلم العتاه
    فـ العلم قليل
    فـ الجهل دليل
    ***
    حربة فى الجنب
    طب أيه الذنب
    فيه ميه ودم
    وادى فرحة ... وغم
    لونجينوس آمن
    وادى حزنه ... كامن
    ***
    شوكة وحايكسر
    والموت ما حا يأسر
    ***
    سجل يا زمان
    صلب ابن الحنان
    منقووووووووول
    avatar
    kosta
    عضو ماسى
    عضو ماسى

    ذكر
    عدد الرسائل : 2229
    العمر : 29
    Emploi : engineering
    تاريخ التسجيل : 08/05/2007

    رد: انت الخسرااااااااااان لو مدخلتش بسرعة جدا

    مُساهمة من طرف kosta في الثلاثاء فبراير 05, 2008 2:48 am

    ليت كلماتي تستطيع ان تثبت مدي احساسي بالحزن العميق
    كم تالمت و جرحت بسببي
    كم قاسيت لاجلي و الان و بعد مرور الزمان اعيد الكرة كما كان فان كانوا جلدوك بسوط فانا اجلدك بنار و ان كانوا صلبوك علي عود فانا اصلبك فوق منار و ان كانوا قتلوك في يوم فانا اقتلك كل يوم
    بجد يا مينا كلام جميل جدا جدا
    مش عارف اقول ايه بس فعلا ربنا معاك و يخليك لينا علي طول



    _________________

    نفسي السنين تعود و ميكنش ليه وجود



    peter makalili
    عضو نشيط
    عضو نشيط

    ذكر
    عدد الرسائل : 129
    العمر : 29
    Localisation : shepeen
    Emploi : sdsd
    تاريخ التسجيل : 21/11/2007

    رد: انت الخسرااااااااااان لو مدخلتش بسرعة جدا

    مُساهمة من طرف peter makalili في الإثنين ديسمبر 15, 2008 6:16 pm

    جميلة جداً جداً جداً
    عجبانى اوى اوى اوى
    مش عارف اشكرك ازاى يا مينا
    SmileyCentral.com SmileyCentral.com SmileyCentral.com SmileyCentral.com
    avatar
    شيري ني ماريا
    عضو
    عضو

    انثى
    عدد الرسائل : 61
    العمر : 34
    Localisation : القاهرة
    Emploi : باحثة تخطيط
    علاقاتك بالاسرة : جيدة
    تاريخ التسجيل : 04/01/2009

    رد: انت الخسرااااااااااان لو مدخلتش بسرعة جدا

    مُساهمة من طرف شيري ني ماريا في الإثنين يناير 19, 2009 3:37 pm

    شكرا يامينا جميييييلة الكلمات دي اوي
    ربنا يعوضك

      الوقت/التاريخ الآن هو الأربعاء ديسمبر 13, 2017 12:52 am